Public Law個mock超級難！

* 我懷疑個mock嘅目的其實係打擊考生嘅自信心！如果我冇讀書就去考覺得難都算啦，最慘嘅係我呢幾日真係有溫書！我好驚。

* 好，就當我未溫哂書，唔識都仲算啦，但係我有啲係明明溫左但係臨場唔記得喎！連Van Gend en Loos 我都可以唔記得！話哂我都有二十年考試經驗，冇理由會咁怯場……可能我年紀大記憶衰退。

* 不過我都要讚吓自己，起碼我有溫書，有去考mock，有做哂成份卷。

* 多謝各方友好聽我打電話嚟發癲。請注意，最癲的尚未來臨。（那天，我們一起考完高考的最後一科。步出試場後，我忍不住瘋狂大叫。還只是朋友的他立即彈開幾步，說：「你咁叫法人哋會以為我對你做左啲咩呀！」）

* 朋友都說我已經算很好很勤力，著我別太緊張。可是我對自己的信心是那麼的低，即使是只有一點不懂，我都會覺得唔合格；即使只是考試不合格，我都會覺得自己好冇用。

* 星期日和下星期三會再有兩科mock，每科我都只有兩天可以溫習。我很害怕。

* 皮質醇指數爆哂燈。我決定東主有喜，休息一天。「喜」為按摩。