「以為讀 MBA 係進入 i bank 嘅 ticket，原來要兌現呢張 ticket，係需要另一張 ticket！」

那天朋友提醒我，要申請 PCLL 的話，好像需要兩個學術界的推薦人，而且最好是法律界的。但我讀的是 external programme，London U 的人是沒有可能認識我們或替我們寫推薦信的。死梗啦。

那即是說我得厚著面皮找張佬的教授了。最熟的那位 Bryce 已經退休回老家美國多年，找得著他的機會極低。不過我估找院長蘇鑰機應該是可以的，因為我當年成績都不錯，希望他念在我走投無路的份上，願意幫幫忙啦。另一個推薦人找誰好呢？真頭痛。

身邊有些人，讀 undergrad 時成績和其他方便都表現一般（不是說你呀張佬同學），我很替他們的 reference 擔心。

唉，其實我們就是因為想忘記背後努力面前，才發憤讀 London U LLB 希望當律師，但現在你又要用過去的事來審判我們，咁算點先？

另一位很叻又想入投資銀行界的朋友早前被某美國知名 MBA 課程收錄了，我非常為他高興，但原來，他說，「最緊要係讀 MBA 果陣有 i bank 請我做 intern 呀，但係聽講話果 d 銀行只會請有投行經驗和有家底果批囉。我兩樣都冇。」我說：「你如果 undergrad 揀左讀 finance，而家都做緊 i bank 啦！如果有家底，就唔會咁唔識諗讀左你讀果科啦！就係當年讀左第二 d 嘢，而家想跳入 i bank，所以先讀 MBA 即！仲以為讀 MBA 係進入 i bank 嘅 ticket，原來要兌現呢張 ticket，係需要另一張 ticket！」說完，我們都很無奈。

年紀愈大，過去的包袱便愈重。我漸漸明白，原來以往的每一個決定都可能影響著未來的自己。要掙脫過去的枷鎖不是不可能，只是要比第一次就選對的人，付出多十倍百倍的努力。

但願我從今天開始，學會做對的決定。也祝福你們每一位都是一樣。