大檔

二月十九日（星期一／年初二）

o甘大個女第一次o係屋企開檯打麻雀。老豆、阿哥、細路同我一坐低就打左兩個鐘，都係唔計番搶糊。我係大贏家，贏左最多碼，Yeah~！老豆條氣唔順，提議玩番佢最精o既鋤D。第一局我炒三家，之後就冇贏過......不過埋單都包尾果個都唔係我。呵呵呵～　夜晚有三個小朋友唻拜年，老豆同阿哥又開始呃細路，同佢地玩魚蝦蟹同三公，玩到興高采烈唔放人。

嘩我屋企D男人好爛賭。

p.s.
成日都好肚餓，食左好多笑口棗、油角同朱古力，食到成個額頭都係暗瘡。>.<