靚女是一場長久戰，要經營要部署，考反應又要有記性。在未眼瞓之前先想到夜瞓會有黑眼圈，在食完一轉甜品buffet之後，策劃翌日做gym。是謂先天下之急而急，後天下之樂而樂。
由此推斷假如一個女子生來沒有靚女的外形，但有靚女的心智，佢...應該可以做一個好記者或其他更有為的工作，如特首、或范仲淹。
靚女並非個個係，但靚女路線很多人走緊。作為一個唔係靚女又行唔到靚女路線的女子，如我，近日被一隻KFC雞翼點醒。
話說KFC推出黑椒雞。某個冇乜錢又唔想諗食乜的下午 (一如所有下午)，我吃了。準備搭車返公司前，去個廁照照鏡，發覺有粒黑椒擎住門牙，在那個頂唔出lam唔走的當兒．我想起前年帶台灣團，有個真係靚女的女生告訴我，她從不在見人的場合吃玉米，「因為要黏到牙齒。」
而因為我肆無忌憚的點了黑椒雞，又讓黑椒擎住一隻牙，我頓悟。
靚女is an attitude。態度先行，外形次之，或相輔相長。
廿三年人生片段霎時在我腦中如幻燈片般重映。我記得某天某時某地跟若干好友研究過，靚女是註定的。「唔會係我呢啲食親熱嘢就流鼻水，搞到成枱紙巾，露晒鼻毛ge人囉。」說時嘻哈帶過掩飾遺憾。
我錯了。因為靚女，原來唔係宿命，係一種習慣。It starts from your mind and soul。
No comments:
Post a Comment