拼湊的對話

「我有一日收到身在加拿大朋友寄來嘅明信片，話同居女友逼佢結婚呀！」
「明信片？！」
「我都覺得奇怪架喇，識佢十幾年佢都未試過寄嘢畀我！仲要係明信片咁浪漫！於是我喺 msn 度問佢啦，佢又話唔方便講喎，到佢返唻香港我先問到佢咋！」
「其實係咩事？」
「原來佢女朋友會聽佢講電話、check佢 email 同 sms、仲會望住佢玩 msn！佢有苦無路訴，先出到明信片呢招！好慘呀，佢返唻香港見到我哋就好似放監咁！」
「嘩！佢女友咁變態？！咁佢會唔會同佢結婚呀？」
「佢話會喎。」
「我完全唔明囉。結左婚佢仲點頂呀？」
「唔知啦。你會唔會 check 你男朋友d 嘢？」
「唔會！我唔想知佢有冇拈花惹草！其實我成日同佢講，你快 d 識多d 女仔啦，唔試多 d 嘢你唔會知道我好！」
「你都好有自信喎！」
「講係咁講，理智上我想鼓勵佢見下世面、亦知道佢對我好好，但我見到佢同第二個女仔一齊時，都會唔開心！我試過睇睇下佢同女同事嘅合照，愈睇愈眼火爆，跟住喊！我都畀自己嚇親！不過五分鐘之後就無嘢喇。所以我成日同佢講，你玩還玩，唔該小心 d 唔好畀我知！我咩都唔想知！」