不要審判

朋友說：「我有啲男同事每次都拖唔同嘅女仔出唻架，但又有時會同老婆仔女一齊出唻喎！好公開架！」另一位朋友說：「係呀我個 ex 班朋友都係咁！仲會約埋一齊去滾添！」我聽到目瞪口呆。其實我也知道這些事不罕見，只是發生在身邊，感覺又更深刻一點。唉，男人。

在聲討賤男的同時，我忽然想起，身邊也有幾位女友曾經熱衷一夜情及／或多次跟多位別人的丈夫別人的男友越軌，我說：「可能當時你 ex 身邊果個係我朋友！」所以呢，不是男人的問題，是人的問題！

朋友又說 ex 的朋友 somehow 說服了她相信 ex 沒有去滾，我說：「咪玩啦，呢 d 嘢，我都會幫我 d 朋友講啦，你唔係信吓話！」（希望朋友的另一半沒有看我的 blog！）

另一位朋友聽過我的小故事後，曾經說：「好在你而家從良，如果唔係我實鬧爆你！」我才醒覺，我從來沒有打算鬧爆我的朋友喎。一來可能我都是所謂「道德感」薄弱的人，更重要的是，事情不發生在你身上，你怎麼知道當事人的感受呢？而且我一向都相信「和而不同」，只要不逼迫我跟從你的那一套，甚麼都無所謂。Afterall, 只要你自己感到幸福快樂就好。


唏，朋友，我自知不是你們的明燈，但我希望可以成為你們的小星星，雖然不明亮、不能為你引路，但只要你抬起頭，總會看得見。還有，不要鬧爆我。