昨晚跟朋友的姐姐的女兒玩，完全被這個兩歲的小女孩迷倒！超級 cute！
小女孩很識相地叫我姐姐，叫另一位已婚的年輕貌美的朋友姨姨，她立即扁嘴，說自己是姐姐。我想，呀，我以前也會這樣的，但現在愈來愈無所謂了。唉，「姐」得一時唔「姐」得世，我接受現實。與其花心機糾正別人對自己的稱呼，不如努力保養和運動，美麗健康誠實地成熟。
延伸閱讀：姨姨的意義
世人如何區分姐姐與姨姨？
不算世故也不好圓滑的我認為對付普世雌性動物，唔叫靚女，起碼都要叫姐姐係禮 貌稱謂是稱謂，毋須一定忠實。
我，廿三，仲有兩個月廿四，十八廿二過了，不好意思自稱少女卻也未想 過已落得姨姨的田地。真係犯太歲。
話說採訪要撩一位妹妹講嘢。妹妹一粒聲都冇出，倒是媽媽很積極：「講啦，同姐姐講幾 多歲啦……快啲同姨姨講啦，話俾姨姨聽啦。」
姨姨，我唔想知你個女幾多歲，你可唔可以問返我幾多歲呀？叫咗姐姐，做乜 又叫姨姨呢？人哋第一句係失言，第二句補鑊，點解你調轉呢？你知唔知今日咁講，會好影響到小朋友日後ge發展架？
返歸 的路上，Fotog A好言相慰，「算啦，想當年我第一次俾人叫叔叔，都好似你咁，慢慢會慣。」「小朋友呢，你呢啲係姨姨啦，廿歲未到先係姐姐。」睇通睇透毋疑是大智慧，不過 原來我的造型及年紀已經不值得一句「哦，佢亂up啫，我覺得你望落都唔似姨姨。」之類的安慰。
印象是印象，我有權不喜 歡，但不能否認它真實。反唇相譏徒添姨姨氣質。那個下午，我為那無可挽回的青春，想到了陳綺貞的歌，胡亂加一些姐姐和姨姨，含意深長。
(* 以下，旅行的意義，絕對唔arm音，鍾意唱乜就唱乜。姐姐可以伶俐甜美，但既然我被判是姨姨，我注定要橫蠻無理)。
姨 姨的意義 – 給那位叫我做姨姨的姨姨
Yiyi De Yiyi – for the Yiyi who Yiyied me
你看過了許多姐姐 你看過了許多姨姨
你 迷失在地圖上每一位姐姐跟姨姨
你品嘗旺角的姐姐 你看過在中環的姨姨
你熟記世上 姐姐和姨姨微妙的距離
卻說不出我姨姨的原因 說不出你姨姨(*VERB)我哪一種表情
卻 說不出在什麼場合我穿得很姨姨
說不出姨姨的原因
O ~你姨姨我
就 是姨姨的意義
......
關於青春
人偶爾會因為年輕，而又不安份，輕易獲得一些恭維如「你咁細個就睇過呢本書/識得呢樣嘢/去過呢啲地方？」
然後有一天，你突然醒覺過了「講出嚟人哋會覺得你細個的年紀」。我還是一樣的我，做著原來的事，但再不能騙得一些掌聲或者應該學著要為人拍掌。
也許這才是姨姨的意義。
No comments:
Post a Comment