圍捕俊男大行動

各位乘坐地鐵人士，請幫忙圍捕一位貌似反町隆史+何家勁的超級俊男！佢身高5呎11左右、頭頂後方有兩個髮轉、無帶結婚介指、身材中等、西裝打扮，喺 8:10 左右從天后站上左往中環方向第七及八卡車之間，8:25左右喺中環落車。唔該大家幫我影低佢個倩影！

大佬，見倒個咁靚仔嘅靚仔，我唔望多兩眼影埋佢相，簡直係暴殄天物！其實我今朝已經嘗試過偷影架啦，不過唔知點解按手機影相制果陣，好似有閃光燈！嚇到我唔知影左d咩！

哎呀，如果我係做娛樂圈，一定會請佢做明星！如果我做 HR / 老闆，一定會請佢入我公司！天呀！痴線架！真係好靚仔！