又名「我在新加坡的日子11 - 我的好友來新加坡探我」
又名「我在新加坡的日子11 - 新加坡淡友」
我親愛0既女人朋友Iris同區Ka Yee 0係上週末專程飛到新加坡探望我
明明日日都好好天, 佢地兩個一唻就即刻落雨....
佢地入住0係Holiday Inn Atrium, 我專程著左新買"未落地" 價值港幣一千八百大元0既綠紫連身短褲去酒店搵佢地
(出門口時米高對我吹口哨... 呵呵...)
開門0既係區小姐.. 先唻一個大叫(例牌)及擁抱
I小姐卻因為帶唻0既人字拖太大而爭D仆倒地上...
(講開人字拖, 區小組繼由沙田踩出尖咀都係一對人字拖之後, 佢唻新加坡都 剩係 帶左一對人字拖姐.... 服左佢)
我地先去牛車水, 因為I小姐要幫人買膏藥...
上的士叫司機車我地去China Town(中國城?) 最多野食0既地方
佢0係一個商場門口放低我地... 我地努力搵邊度先係牛車水...
望向左邊有個地鐵站.. 原來... China Town 0既中文名就係牛車水... (豬標)
因為區小姐一個依稀模糊0既紀憶: 黃色小屋海南雞飯店 (依稀到去到邊都話.. 好似係LEE度呀)
我地行左好耐都係搵唔到.. 最後坐左0係一個大排檔.. 叫左D炒野食...
事後我地發現自己做左老襯, 因為價錢係遊客價...: 呃錢
之後我地去左Singapore Flyer, 仲大過London Eye
一個字: 慢, 另一個字: 悶
區小姐熟讀travel book, 佢話個輪轉一個圈要37分鐘
我地買完飛 (買飛前興奮發現不同口味0既益力多, 仲要好撚貴, 仲0係vending machine前影左張相..)
準備"登輪", 但係就剛剛見住一個"卡車"離開月台
I小姐非常緊張地大叫"唉呀, 要等多三十七分鐘喇"
我地當場呆左... 雖知道個輪轉一圈係要37分鐘, 但係佢有千千萬萬個卡車...
I小姐當然知道自己白痴左... 只好以大笑遮醜....
個輪轉得好慢, 新加坡個景冇乜野睇...
我地最大0既娛樂係幻想上面個卡車望落唻會見到區小姐0既深溝
下面0既卡車望上唻又可以裝人裙底...
仲有檢自理科班0既我地努力研究個輪究竟係點樣運作...
覺得俾人搵笨, 我地去左Sentosa, Cafe你個媽 (真名Cafe Del Mar)
撞0岩佢地開Foam Party... 唔好以為係D咩spectacular.. 只係0係個游泳池度不斷放bubbles...
但係佢D bubbles有D問題, 積聚起來成個人咁大但係俾風吹起
你幻想個, 成個人咁大舊0既 bubbles就咁俾風吹起, 我地坐0係度就係咁0係度避左避右...
天氣唔係太好夕陽被雲雲遮住, 激氣...
之後去左East Coast Seafood Centre 0既 No Sign Board食海鮮
0個度就好似放大左60倍0既西貢!
白胡椒炒蟹被I小姐形容為"有驚喜"!
食完太飽我地散左少少步
見到 cable Skiing 0既地方 (上次米高都叫我去睇佢同事玩, 依家先知, 好彩冇去喳...)
只係一個人工湖, 有好多cable, D人揸住條cable0係水上飄, 為之cable ski
好笑0既係, 你唔小心跌左落水0既話, D人又收唔切條橡筋, 咁佢就係咁0係水上彈來彈去.....
場面非常淒清.. 我地稱之為 '抽筋"
最惹笑就係LEE一PART, 我問你死未
因為佢地兩個一早起身搭飛機0既關係, 我地未能0係第一晚進行 "酒店房間內喪飲" 0既活動
(待續)
No comments:
Post a Comment